Lizarrusti: Galduen Espoloia

2020an zehar norberaren lurralde historikoan kokatutako beste udalerri batzuetara joateko aukerak eman bezain azkar Lizarrustira bueltatzeko erabakia hartu genuen eta zein pozik bueltatu gainera. Lagun batzuei ordurarte eskalatuak genituen bideak non hasten diren eta nolakoak diren azaltzen egon ginen Jendetza sektorean. Lagunek eskalatuko zuten bidea aukeratu zutenean Espolon Munduaterantz jo genuen, horixe baitzen egun hartarako genuen asmoa. Erabat despistatu eta ezkerrerago joan ginen nahigabean. Galduta eta despistatuta genbiltzala, horma batekin egin genuen topo eta bertatik eskalatzen hastea erabaki genuen, Espolón Munduate izan zitekeelakoan. Lehen luzea eskalatzerako konturatu ginen okerreko lekuan geundela baina bueno gustora ere bageunden. Bigarren luze bat eskalatu genuen hormatik irteteko eta orokorrean bideak pasarte polit batzuk bazituela iruditu zitzaigun. Lagunekin elkartzean barre egin genuen despisteak eman zigun emaitzaz. Konfinamendu ostean oso fin ez geundela bistan da.

2020 Abenduan, bigarren batez eskalatu genuen horma berbera. Garbiketa zerbait egin (asko ere ez) eta kordino batzuk ipini genituen. Bigarren aldi honetan, bidea gehiago gustatu zitzaigun, batez ere neguan landaretza gutxiago aurkitu dezakegulako, bai bide honetan eta baita Gorokarastako beste bide guztietan ere. Bideak ez du Gorokarastako beste hainbat bidek duten kalitatea, batez ere lehen luzearen bigarren zatia belartsua delako, baina Espolon Munduaterekin konbinatzeko adibidez eta metro gehiago eskalatzeko aukera ematen du. Bigarren luzearen amaiera polita da eta zapore onarekin utzi zaitzake.

Azken urte honetan galduta ibiltzea ohikoa bihurtu zaigu eta gauza asko galdu ditugu. Ia horrela izanda ere bideak aurkitzen jarraitzen dugun.

 

Bideari buruzko datuak:

Galduen espoloia Espolon Munduate bidearen ezkerretara geratzen da. Bertara iristeko, Lareo urtegira doan bidea hartu eta jendetza sektorea igaro ondoren lehen kurba nabarmena eskuinera egiten den momentuan basoan goruntz jo, garbien dagoen hormaren bila. Bidea espoloiaren eskubi aldetik hasten da eta kordino batez inguratuta dagoen zuhaitz batek markatzen du hasiera.

 

Horma ez da espoloi nabarmen bat. Espoloi izaera bigarren luzean hartzen duela esan daiteke. Horregatik bi luzeak hormaren bi zatiak eskalatzeko dira.

Lehen luzean (50m), espoloiaren eskuineko oinarria eskalatzen da. Lurretik, arroka zubi handi batean kokatua dagoen kordino batetarantz jo beharko dugu (bidearen oinetik nabarmen ikusten da) eta bere gainean dagoen plaka polit bat gainditu. Plakaren ondoren diedro belartsu batetarantz jo beharko dugu, eta ezkerrerantz zerbait jo, diedroak gune belartsura jotzen duenean. Tentuz ibili puntu honetan arroka ez baita horren egonkorra. Hortik aurrera, horma etzan egiten da eta arroka ikusten dugun lekutik eskalatzen jarraitu bigarren eta handiena den zuhaitz batetaraino. Zuhaitzean kordino bat kokatua dago bertan bilera egin ahal izateko.

Bigarrena (30m), lehen luzea baino politagoa da eta arroka kalitate hobekoa ere bada. Bileratik zuzen plaka etzan bat eskalatu beharko da (kordino batek markatzen du bidea) eta diedro batetarantz jo. Berriro ere diedroa ezkerreruntz gainditu beharko dugu espoloiaren azken zatian sartu ahal izateko plaka polit bat igaroz.

Bidearen hasiera

Erabilitako Materiala: Totem Cam Jokoa, Camalot 3 zbk eta arroka zubi zehin zuhaixketarako zintak.

Jeitsiera: oinez burutzen da basoan sartu eta ezkerreruntz Alleko basoaren bira burutzen duen bidearen bila. Bide honek Lareo urtegira doan bidera jeitsiko gaitu eta bertatik Parkinera bueltan joan ahal izango gara. Bide hau eskalatu ondoren Espolon Munduate edo Jendetza sektoreko beste bide bat eskalatu nahi badugu, eskubiruntz jo beharko da, Espolon Munduate eta Jendetza sektoreen artean dagoen kanalaren bila. Kanalaren amaieran 30 metroko rapel bat eginez azkar joan ahal izango gara sektore hauetara.

Oharrak: Gomendagarria da bide hauek errepikatzean garbiketarako material zerbait eramatea, zerratxoa eta eskularruak abididez. Modu horretan bideak txukunago mantenduko dira. 

 

Nola iritsi

Lizarrustiko parketxearen (http://www.lizarrusti.com/) ondoan dagoen parkinean aparkatu bezain laster Gorokarastako haitzak ikusgai izango ditugu. Bertatik, Lareoko urtegira doan bidea hartu eta paretera hurbilduko gara modu ezin erosoago batean. 5/7 minutu tardatuko ditugu.

https://upload.wikimedia.org/wikipedia/commons/a/ac/Lizarrusti.jpg

Lizarrusti: Espolón Munduate

Gorokarasta haitzek duten zabalera osoan zehar hainbat txoko, zirrikitu eta sorpresa aurkitu daitezke. Nabarmenenak diren arrakala, espoloi eta plakez gain horma zeharkatzen eta aztertzen ibilita eskaladarako beste aukerak ere agertzen joan dira. Espolon Munduate adibidez, Jendetza sektorearen ezkerretara geratzen da eta ez da guztien artean horma nabarmenena. Hala ere eta ikusten denez, garbiketa zerbaiten ondoren bide berri oso eder bat sortu ahal izan dute Aritz Azkue eta Mikel Saez de Urabainek. Lizarrustiko beste bideen antzera, neguko eguzkiaren berotasunean eskalada garbiaz gozatzeko aukera paregabeak emango dizkigu. Lizarrustira bueltatzeko beste arrazoi bat eta mila dira dagoeneko...

http://aralarreneskaladak.blogspot.com/p/lizarrusti.html

Bideari buruzko datuak:

Bi luze ederretan eskalatuko dugu espoloia. Lehenengoan arrakala desberdinez osatutatu plaka etzan edo bertikal oso politak eskalatuko ditugu eta Lizarrustiko arroka ederraz gozatuko dugu. Lehen bilera ingurua belartsua da eta beraz kontu zerbaitekin ibili beharra dago.

Bigarrena, anbiente handiko luzea da, zertxobait denetik dauka. Plaka etzan polit bat eta diedrotxo bat zeharkatu ondoren datorren tarterik zailenean desplome bat gainditu  gainditu beharko da. Ondo  babesten da eta kantu oso onak ditu. Asetuta uzten zaituen luze ederra da. 

Nahiz eta bideak bi luze bakarrik dituen, gustu onarekin uzten zaitu. Garbiketa lan handia egin dela nabari da eta eskertzekoa da benetan. Mila esker!!

Erabilitako Materiala: Fisureroak, Totem Jokoa, Camalot 3 zbk.

Jeitsiera: oinez burutzen da basoan sartu eta eskubiruntz doan bidearen bila. Aukera modura, Munduate espoloia eta Jendetza sektorea banatzen dituen kanaletik behera joan daiteke eta bertikal jartzen denean zuhaitz bat aprobetxatuz rapel egin. Modu horretan bidearen hasierara bueltatu gaitezke bertan zerbait utzi badugu.

Oharrak: Gomendagarria da bide hauek errepikatzean garbiketarako material zerbait eramatea, zerratxoa eta eskularruak abididez. Modu horretan bideak txukunago mantenduko dira. 

 

Nola iritsi

Lizarrustiko parketxearen (http://www.lizarrusti.com/) ondoan dagoen parkinean aparkatu bezain laster Gorokarastako haitzak ikusgai izango ditugu. Bertatik, Lareoko urtegira doan bidea hartu eta paretera hurbilduko gara modu ezin erosoago batean. 5/7 minutu tardatuko ditugu.

https://upload.wikimedia.org/wikipedia/commons/a/ac/Lizarrusti.jpg

Lizarrusti (Gorokarasta): Kizkilurrin

Gorokarastako horma ez da ezagutzen ditugun hormen artean ez altuena, ez ederrena edo ezta erakargarriena ere. Baina ez dituen gauzen artean, badu garai hauetan oso preziatua bilakatzen ari den zerbait: famaren gabezia alegia. 

Duela egun gutxi irakurtzen nuen eskalada munduak azken hamarkada honetan izan duen bilakaeraren balantze oso interesgarri bat (https://eveningsends.com/sex-death-and-a-decade-of-climbing-in-review/). Burutu diren eskalada miresgarri guztien gainetik, hamarkada honetan gauzatu den gertakaririk nabarmenena eskaladaren hazkunde esponentziala izan dela nabarmentzen zen idatzi horretan. Eskalada "mainstream" kirol-aisialdi jarduera bat bilakatu dela alegia.

Bilakaera honekin batera, eskalatzaileok burutzen dugun paisaia natural eta kulturalaren okupazioa gero eta handiagoa da batez ere jende asko pilatzen den guneetan, noski. Kola egin behar izatea (oso hirikoa den zerbait) dagoeneko ez da arraroa mendian, zein hormetan. Horregatik, ospetsuak ez diren hormek erakartzen gaituzte.

Noiz arte baina?? Gorokarastaren lasaitasunak eta goxotasunak ez dirudi asko iraungo duenik. Agian hemendik aurrera, Kizkilurrin bezalako bide eder bat eskalatzen gaudela beste zenbait abenturazale pasako zaizkigu gainetik tirolinaren alde batetik bestera eta kaletarren ohiuez inguruta egongo gara naiz eta natura gune batean egon. Bideak ederra izaten jarraituko du noski eta oso gomendagarria eskaladaren ikuspegitik baina ez da berdina izango. Ospearen kalteak ezagutu gabe bidea eskalatu nahi duenarentzat: orain edo inoiz ez.

Lizarrusti (Gorokarasta): Kantuona

Gorokarasta hormako beste bide eder bat. Haitzaren kalitatea ezin-hobea da, patxadaz gozatzeko modukoa. Eskalada garbian trebatzeko bide aproposa, baina hori bai eskalatu egin behar da horma honetan pausu teknikoak aurkituko baititugu han edo hemen.

Lizarrustiko plazerrak...

http://aralarreneskaladak.blogspot.com/p/lizarrusti.html

Bideari buruzko datuak:

Bidean zehar ez dago ekipamendu finkorik, hiru haitz-zubi bakarrik aurkituko ditugu soka jarrita dutenak, baina autobabeserako aukera asko ematen dituen bidea da. 

 

Lehen luzea oso luzea da eta bi zatitan eskalatu daiteke. Guk horrela egin genuen, lehen bilera zeharkatu beharreko zuhaitz batean egin genuen, soka arrosa bat utzi genuen haitz-zubi batean kokatuta bertan bilera egin nahi duenarentzat.

Erabilitako Materiala: Fisureroak, Totem jokoa, Camalot 3a eta Basic Cam semaforoa (hibrido batzuk ere ondo datoz).

Jeitsiera: oinez burutzen da basoan sartu eta eskubiruntz doan bidearen bila edo kresta jarraituz eskubiruntz Allekupeko begiralekuraino. Edozein kasutan Lizarrustiko haitzak inguratu eta aparkalekura doan bidea hartu behar da.

Oharrak: Paretak duen belar eta sasi kopuru handia dela eta gomendagarria da bide hauek errepikatzean garbiketarako material zerbait eramatea, zerratxoa eta eskularruak abididez. Modu horretan bideak txukunago mantenduko dira.

Nola iritsi

Lizarrustiko parketxearen (http://www.lizarrusti.com/) ondoan dagoen parkinean aparkatu bezain laster gorokarastako haitzak ikusgai izango ditugu. Bertatik, Lareoko urtegira doan bidea hartu eta paretera hurbilduko gara modu ezin erosoago batean. 5/7 minutu tardatuko ditugu.

https://upload.wikimedia.org/wikipedia/commons/a/ac/Lizarrusti.jpg

 

Kirol eta abenturazko eskalada Lizarrustin:

Lizarrusti inguruan abenturazko eskalada zen kirol eskalada praktikatzeko aukera dago. Bide guztien informazioa hemen aurkitu ahal izango duzue: http://aralarreneskaladak.blogspot.com.es/p/lizarrusti.html

Lizarrusti (Gorokarasta): Astopista

Zalantzarik gabe pareta honek eskalada egun lasai batetaz gozatzeko behar dugun guztia dauka. "Kariñoa" hartu diogu dagoeneko eskaini dizkigun momentu goxoei esker. Udaberriko eguzkiaren berotasunak lagunduta eskalatu genuen duela gutxi ezagutzera eman zen bideetariko bat: Astopista bidea hain zuzen. Asko gustatu zitzaigun eta gozatu ederra hartu genuen bide honetako plaka eta arrakalak eskalatzen. "Jendetza guztiaren gainetik" bidearen ezkerrera dago kokatua eta honen antzekoa dela esan daiteke, zertxobait errazagoa batez ere desplomerik ez duelako eta ezta oso pasarte teknikorik ere.

http://aralarreneskaladak.blogspot.com.es/p/lizarrusti.html

Bideari buruzko datuak:

1. Luzea: Hasierako plaka identifikatu eta lurretik iada ikusten dira luze honetako bi paraboltak (bidean aurkituko ditugun bakarrak). Ondo babesten den plaka polit bat eskalatu beharra dago, pausu fin bat aurkituko dugularik lehen eta bigarren parabolten artean. Luze oso polita da eta bilera harkaitz-zubiak eta frienak erabilita egingo dugu (kordino gehigarriak eraman dagoeneko jarrita daudenak aldatu beharko balira).

2. Luzea: Arrakala txikiez osatutako plaka bat eskalatu beharra dago, zertxobait eskubira eginez lehendabizi eta gero zuzen. Luze honetan ez dago material finkorik baina oso ondo babesten da, horretarako aukera asko eskaintzen dizkigu paretak eta. Bilera berriro ere, harkaitz-zubiak eta frienak erabilita egingo dugu.

3. Luzea: Zertxobait eskubiruntz doan arrakala sistema hartu beharra dago. Gorde C3 friena azken metroetarako, bertan ondo etorriko zaigu eta. Bilera kordino batzuetan egingo dugu, harkaitz-zubiak aprobetxatuz. Hortik aurrera, azken luze bat egin beharko da irteera moduan paretaren goikaldean bilera egiteko leku aproposa aurkitzen dugun arte.

Erabilitako Materiala: Fisureroak, Totem jokoa, Camalot 3a eta Basic Cam semaforoa (hibrido batzuk ere ondo datoz).

Jeitsiera: oinez burutzen da basoan sartu eta eskubiruntz doan bidearen bila edo kresta jarraituz eskubiruntz Allekupeko begiralekuraino. Edozein kasutan Lizarrustiko haitzak inguratu eta aparkalekura doan bidea hartu behar da.

Oharrak: Paretak duen belar eta sasi kopuru handia dela eta gomendagarria da bide hauek errepikatzean garbiketarako material zerbait eramatea, zerratxoa eta eskularruak abididez. Modu horretan bideak txukunago mantenduko dira.

Nola iritsi

Lizarrustiko parketxearen (http://www.lizarrusti.com/) ondoan dagoen parkinean aparkatu bezain laster gorokarastako haitzak ikusgai izango ditugu. Bertatik, Lareoko urtegira doan bidea hartu eta paretera hurbilduko gara modu ezin erosoago batean. 5/7 minutu tardatuko ditugu.

https://upload.wikimedia.org/wikipedia/commons/a/ac/Lizarrusti.jpg

Kirol eta abenturazko eskalada Lizarrustin:

Lizarrusti inguruan abenturazko eskalada zen kirol eskalada praktikatzeko aukera dago. Bide guztien informazioa hemen aurkitu ahal izango duzue: http://aralarreneskaladak.blogspot.com.es/p/lizarrusti.html

Lizarrusti (Gorokarasta): Jendarme Txuskero

Gorokarastako haitzetara bueltatu gara aurreko urtean eskalatu genuen "Jendetza guztiaren gainetik" bidearen kalitateak utzita zapore ona dela eta. Oraingo honetan, pareta honetako biderik errazena hautatu dugu. Mikel Saez de Urabainek duela gutxi argitaratuko krokisean "Jendarme Txuskero izenarekin ageri da.

http://aralarreneskaladak.blogspot.com.es/p/lizarrusti.html

Ez dakigu nork ireki zuen bide hau, baina pentsatzen dugu aspalditik irekia zegoela, lehen luzean zaharra dirudien iltze bat jarrita dagoelako. Krokis eguneratu eta berri batean lehen luzearen amaieran parabolt bat markatzen du. Edo guk ez genuen ikusi edo jarri berria da. Edozein kasutan zeharkaldi delikatu baten hasieran dago, arroka hautsia dagoen pasartea seguruago bilakatuz. Gradu aldetik klasiko xamarra dela esan behar dugu, ez baita hasiberrientzako bidea. Pasarte pare batean ondo eskalatu beharra dago, arrokaren kalitatea orokorrean ona bada ere baditu tentuz ibiltzeko pare bat pasarte eta babesteko ere lan zertxobait eman dezake arrakalak belarrez zertxobait garbitu behar izan genituelako.

http://aralarreneskaladak.blogspot.com.es/p/lizarrusti.html

Bideari buruzko datuak:

1. Luzea: Jendarmearen punturik baxuenean hasi eta oso agerikoa den arrakala eskalatzen da. Arrakala ondo hartu ahal izateko lehen iltzera iristean sapai txiki moduko bat pasatu beharra dago ezkerrerantz eginez. Arrakala amaitzean eskubirantz trabesia delikatu bat egin behar da, sasiek zertxobait molestatzen dutela, jendarmea eta paretaren artean dagoen leporantz. Lehen bilera, lepo honetan egin behar da, arroka-zubi eta arrakalak erabiliaz.

2. Luzea: Lehen metro erraz batzuen ondoren arrakala bertikal batzuetara iritsiko gara. Hauen ondoren plaka fin bat dator babesteko aukerarik ematen ez duena. Plakaren ondoren desplome bat pasatu beharko dugu bere erdigunetik. Kontuz irteerarekin, arrokaren bat kili-kolo bait dago. Bilgunea, desplome pasa bezain laister egin daiteke bloke haundi bat erabiliaz. Hirugarren luze labur bat daton ondoren paretatik irtetzeko, erabat etzana eta erraza.

 

Erabilitako Materiala: Totem jokoa, camalot 3 eta 4 zenbakiak, Basic Cam semaforoa.

Jeitsiera: oinez burutzen da basoan sartu eta eskubiruntz doan bidearen bila edo kresta jarraituz eskubiruntz Allekupeko begiralekuraino. Edozein kasutan Lizarrustiko haitzak inguratu eta aparkalekura doan bidea hartu behar da.

Oharrak: Bidea zertxobait garbitu genuen, baina zenbait sasi eta pintxo ere badira bidean zehar eta zertxobait molestatzen dute. Bidea errepikatzean ondo legoke eskularruak eta zerratxo bat eramatea (guk ez genituen eraman) eta horrela garbitzen joango litzateke.

Nola iritsi

Lizarrustiko parketxearen (http://www.lizarrusti.com/) ondoan dagoen parkinean aparkatu bezain laster gorokarastako haitzak ikusgai izango ditugu. Bertatik, Lareoko urtegira doan bidea hartu eta paretera hurbilduko gara modu ezin erosoago batean. 5/7 minutu tardatuko ditugu.

https://upload.wikimedia.org/wikipedia/commons/a/ac/Lizarrusti.jpg

Kirol eskalada Lizarrustin:

Lizarrusti inguruan kirol eskalada praktikatzeko aukera ere badago. Informazio guztia hemen aurkitu ahal izango duzue: http://aralarreneskaladak.blogspot.com.es/p/lizarrusti.html

Lizarrusti (Gorokarasta): Jendetza guztiaren gainetik

Altxor txiki batekin egin dugu topo bide hau eskalatzean, zalantzarik gabe. Eskalada egun eder bat pasatzeko ezaugarri guztiak dauzka: harkaitzaren kalitatea oso ona da, ingurunea zoragarria, gerturaketa eta jeitsiera oso erraz burutzen dira bide oso politetatik, autobabeserako piezak sartzen gozatzen da eta gure kasuan bezala astean zehar eskalatu ahal izan ezkero jendetza aurkitu beharrean erabateko lasaitasuna aurkituko dugu. Ederra!!

Eskertzekoa benetan Mikel Saez de Urabainek horrelako bideak irekitzea eta besteoi ezagutara ematea. Zortekoak gara, etxetik gertu halako lekuak eta bideak edukitzean, zaindu ditzagun!! Mila esker Mikel abenturak jarraitu dezala!! Bideari buruzko informazio gehiago hemen (link)

http://non-stopeskaladabloga.blogspot.com.es/2015/03/lizarrusti-jendetza-guztiaren-gainetik.html

Bideari buruzko datuak:

1. Luzea: nabarmena den arrakala bat jarraitzen du. Luze oso polita da eta harkaitza oso ona. Lehen bilera belarra eta sasiak dituen terraza batean kokatua da. Iltzea ez da oso ongi ikusten erdoiltzen hasia delako baina arrakala nagusiaren ondoan jarria dago. Bilera indartzeko Basic berdea, fisurero ertain/txikia edo/eta Basic urdina erabili daitezke.

2. Luzea: guretzat luzerik zailena eta teknikoena dituen pausuengatik eta babesteko eskatzen duen lanagatik. Luze jarraia da, pausu ia guztietan estutu beharra dago eta horrek babesak lasai jartzeko aukerak murrizten ditu. Bileratik irteera gogora da lehen txaparaino. Bigarren txapatik gora ere estutu behar da eta luzearen amaieran ez dago deskantsurik. Harkaitzaren kalitatea oso ona da eta kalitate handiko luzea da.

3. Luzea: Zailtasunez erraza baina oso polita. Bileratik ateratzean pausu arraro bat badu eskubi-ezker egin behar denean batez ere sasiek molestatzen dutelako. Hortik aurrera luze oso polita eta babesteko aukera askorekin. Jarri gabe dauden bi harkaitz-zubi erabili genituen.

4. Luzea: Harkaitzaren kalitatea izugarria, babesteko erraza eta pasarte oso polita zapaia zeharkatzeko. Bigarren luzeko 6a+ baina errazagoa iruditu zitzaigun. Edozein kasutan kalitate handiko luzea. Kontuz bilerara iritsi baino lehenago dauden bloque handi batzuekin. Bilera egiteko aukera onak daude arrakala eta harkaitz-zubien bitartez behin gora iristen garela.

Erabilitako Materiala: Totem jokoa (hiru taila handienak errepikatzea gomendagarria), camalot 2 eta 3 zenbakiak, Basic Cam semaforoa (hibridoak ere oso gomendagarriak dira, guk zenbaitetan jarri genituen).

Jeitsiera: oinez burutzen da basoan sartu eta eskubiruntz doan bidearen bila edo kresta jarraituz eskubiruntz Allekupeko begiralekuraino. Edozein kasutan Lizarrustiko haitzak inguratu eta aparkalekura doan bidea hartu behar da.

Oharrak: Bidea zertxobait garbitu genuen, baina zenbait sasi eta pintxo ere badira bidean zehar eta zertxobait molestatzen dute. Bidea errepikatzean ondo legoke eskularruak eta zerratxo bat eramatea (guk ez genituen eraman) eta horrela garbitzen joango litzateke.

Nola iritsi

Lizarrustiko parketxearen (http://www.lizarrusti.com/) ondoan dagoen parkinean aparkatu bezain laster bidearen azken luzeko zapaia ikusgai dago. Bertatik, Lareoko urtegira doan bidea hartu eta paretera hurbilduko gara modu ezin erosoago batean. 5/7 minutu tardatuko ditugu.

https://upload.wikimedia.org/wikipedia/commons/a/ac/Lizarrusti.jpg

 

Kirol Eskalada Lizarrustin

Lizarrusti inguruan kirol eskalada praktikatzeko aukera ere badago. Informazio guztia hemen aurkitu ahal izango duzue: http://aralarreneskaladak.blogspot.com.es/p/lizarrusti.html